VITORIAS DAS CADETES E XUVENÍS, DERROTA DO FILIAL:

FISIOTERAPIA CINESIA NOIA 3-2 REDESYL BOIRO VOLEIBOL

(25-20, 18-25, 14-25, 25-15, 15-8)-(2ª Div. Autonómica Masculina)

O bloqueo boirense vestíu as súas mellores galas no derbi

Unha vez máis o derbi da 2ª Autonómica entre noieses e boirenses non defraudou ofrecendo un gran espectáculo ós numerosos espectadores que se achegaron ata o Alonso Rodríguez. O encontro comezaba co Redesyl frío, apagado. Os de Agustín Mourís distanciábanse no luminoso froito das imprecisións en recepción dos de Adrián Alves que dificultaban seriamente a construcción do seu xogo ofensivo. Foi pasado o ecuador do primeiro set cando os branquiazuis comezaron a engranar a súa maquinaria e a convertirse nun equipo competitivo. A reacción sería insuficiente e os locais adiantaríanse por 25-20 nun final de set no que ambos equipos mostraban as súas cartas. No 2º as tornas cambiaron dende o primeiro momento. Cunha gran xeira de saques na rotación inicial do colocador Ismael Martínez o Redesyl conseguiría unha renda que xa non ía perder en toda a manga. Froito da melloría dende os 9 metros o bloqueo do filial boirense comezou a mostrarse máis incisivo tendo como resultado o empate no tanteador xeral do encontro. Na reanudación o Redesyl mantiña o mando. A contundencia en bloqueo permitíalles ós nosos gañar nesta faceta un bo puñado de puntos e a aparición extraordinaria en ataque de Xian Pérez facía deste 3º set un monólogo dos boirenses. A partires de aquí este Redesyl xa non volvería. A falta de fame e un baixón físico considerable convertían ós nosos nun equipo previsible, demasiado hándicap para enfrontarse ó campión da categoría que non tremeu para remontar e quedarse cos dous puntos que outorga a vitoria nun tie-break. Polo Redesyl formaban de inicio Ismael M., Xian P., Fran D., Félix R., Pablo N., Adrián G. e Christopher R. (líbero). Como reservas estaban Rubén M., Daniel O., Dani G., Darío O. e Marcos A.

OS DERBIS COMARCAIS ANTE O CV NOIA, PROTAGONISTAS NESTA XORNADA:

SÁBADO 28:

FISIOTERAPIA CINESIA NOIA - JEALSA BOIRO VOLEIBOL

(17:30h, Alonso Rodríguez)-(Liga Galega Xuvenil Feminina)

FISIOTERAPIA CINESIA NOIA - REDESYL BOIRO VOLEIBOL

(19:00h, Alonso Rodríguez)-(2ª Div. Autonómica Masculina)

DOMINGO 29:

VOLEIBOL DUMBRÍA - JEALSA BOIRO VOLEIBOL

(13:00h, Mun. de Dumbría)-(Liga Galega Cadete Feminina)

OS MELLORES DA XORNADA #7IDEALBOIROVOLEIBOL

Septeto ideal do 20, 21 e 22 de marzo

Dura competencia a desta semana para formar o que é o mellor equipo posible da fin de semana. Os 12 encontros disputados na Cachada déixannos un bo puñado de actuacións destacadas, pero só 7 poden ser os elexidos. Colocadora, Laura Martínez: gran labor de distribución ofensiva a mostrada pola viguesa na brillante vitoria do JEALSA ante o Calasancias Coruña. Oposto, Xian Pérez: a súa actuación en bloqueo ante o Voleibol Dumbría foi digna de mención, convertindo a primeiro liña do JEALSA xuvenil masculino na súa mellor arma neste encontro saldado cun 3-0 favorable. Receptor 1, Pablo Nieto: gran aparición a do cadete de primeiro ano non na vitoria dos xuvenís ante o Calasancias Coruña. Imparable en ataque, Pablo demostrou o seu potencial na 2ª vitoria da fin de semana para os nosos xuvenís. Receptora 2, María Triñanes: probablemente a mellor xogadora do JEALSA na tarde do sábado. Segura en recepción, participativa en defensa e atinada en ataque conseguíu xunto as súas compañeiras despedir a temporada cun gran triunfo. Central 1, Félix Romero: xenial en bloqueo ó igual que o resto do equipo xuvenil en toda a fin de semana. Foi un auténtico muro na vitoria por 3-0 ante Calasancias Coruña. Central 2, Álex Velo: mellor xogador dos cadetes no encontro que convertía ós de Adrián Alves en campións da fase regular da Liga Galega. Álex estivo atinado en bloqueo, incisivo en ataque e moi preciso desde a liña de saque. Líbero, Sheila Outeiral: un dos piares do JEALSA da 2ª feminina en recepción e defensa, apartados vitales para un equipo que quere ser competitivo no volei autonómico feminino.

RESULTADOS DESTA XORNADA MARATONIANA DE 3 DÍAS DE ENCONTROS:

JEALSA BOIRO VOLEIBOL 3-0 CALASANCIAS CORUÑA

(25-23, 25-19, 25-22)-(2ª Div. Autonómica Feminina)

Noelia e Laura bloqueando ante o Calasancias

Clara vitoria por 3-0 do noso primeiro equipo feminino ante as 4ª clasificadas desta 2ª División Autonómica. Malia un mal arranque no que as coruñesas partían cun contundente 0-7 a favor as de Mario Iglesias reaccionaron a tempo para marchar de vacacións con sabor a triunfo. A intensidade defensiva boirense sumada ós continuos erros de saque das visitantes xeraban a tranquilidade que as nosas necesitaban para ir tomándolle o pulso ó encontro. María Triñanes e a xuvenil Melissa Novoa volveron a ser os referentes ofensivos dun JEALSA que, a excepción do último tercio do 3º set, se mostrou moi sólido e infranqueable para as herculinas. Afincadas na 6ª praza despiden as nosas esta 2014-15 marcada polos altos e baixos do equipo. Xogaron Laura M., Mariana D., Melissa N., María T., Noelia D., Katy S. e Sheila O. (líbero). Tamén xogaron Sara B., Sheila P.

ATRACÓN DE VOLEI NA CACHADA PARA ESTA PRÓXIMA FIN DE SEMANA:

VIERNES 20:

JEALSA BOIRO VOLEIBOL - VOLEIBOL DUMBRÍA

(16:00h, A Cachada)-(Liga Galega Cadete Masculina)

JEALSA BOIRO VOLEIBOL - VOLEIBOL DUMBRÍA

(17:30h, A Cachada)-(Liga Galega Xuvenil Masculina)

REDESYL BOIRO VOLEIBOL - VOLEIBOL DUMBRÍA

(19:00h, A Cachada)-(2ª Div. Autonómica Masculina)

SÁBADO 21:

JEALSA BOIRO VOLEIBOL - CALASANCIAS CORUÑA

(10:00h, A Cachada)-(Liga Galega Cadete Feminina)

JEALSA BOIRO VOLEIBOL - CALASANCIAS CORUÑA

(10:00h, A Cachada)-(Liga Galega Infantil Masculina)

JEALSA BOIRO VOLEIBOL - CALASANCIAS CORUÑA

(11:30h, A Cachada)-(Liga Galega Xuvenil Feminina)

JEALSA BOIRO VOLEIBOL - CALASANCIAS CORUÑA

(11:30h, A Cachada)-(Liga Galega Cadete Masculina)

JEALSA BOIRO VOLEIBOL - CALASANCIAS CORUÑA

(17:00h, A Cachada)-(Liga Galega Xuvenil Masculina)

JEALSA BOIRO VOLEIBOL - CALASANCIAS CORUÑA

(18:30h, A Cachada)-(2ª Div. Autonómica Feminina)

DOMINGO 22:

JEALSA BOIRO VOLEIBOL - EMEVÉ IF2

(10:30h, A Cachada)-(2ª Fase Liga Zonal Infantil Feminina)

JEALSA BOIRO VOLEIBOL - DOMPA GESTIÓN (INFANTIL)

(12:00h, A Cachada)-(2ª Fase Liga Zonal Infantil Feminina)

JEALSA BOIRO VOLEIBOL - MANUELA RIAL MOUZO

(13:00h, A Cachada)-(Liga Galega Infantil Masculina)

TOP 7 DA XORNADA CORRESPONDENTE Ó 14 E 15 DE MARZO:

Septeto ideal da xornada, ¡parabéns!

Os bos resultados acadados nesta fin de semana xeraron unha dura pugna por un posto neste septeto ideal do Boiro Voleibol que definitivamente queda deste xeito: colocador, Rubén Martínez: extraordinaria labor de dirección na vitoria dos cadetes ante o seu máximo rival na Liga Galega. Ademais da xestión do xogo do JEALSA Rubi estivo moi inspirado en bloqueo, onde apañou un bo número de puntos. Oposto, Juan Díaz-Romeral: unha semana máis o alcarreño volveu a ser o canoneiro dun Náutico que desta volta superaba por 3-2 a un Llars Mundet que perdía a oportunidade de ascender na Cachada. 25 puntos de ataque (42%), 1 ace e 1 bloqueo son os números de Juan no partido. Receptor 1, Pablo Nieto: imparable preto da rede durante todo o encontro cadete en Lugo. Sobre as súas costas recaíu a responsabilidade anotadora do JEALSA, en especial no tie-break que remataría cun axustado 19-21. Receptor 2, Adrián Gatbache: foi o mellor xogador do partido na vitoria dos xuvenís ante o EMEVÉ nun encontro no que rozou a vintena de puntos en ataque. Central 1, Lidia Figueira: a súa rotación de saque foi como un oasis no deserto nos encontros que as nosas infantís xogaron correspondentes á 2ª Fase da Liga Zonal Infantil Feminina. Central 2, Germán Romero: 8 puntos de ataque (62%) e 3 bloqueos son as credenciais do de Lousame para ser un dos mellores xogadores do Boiro Voleibol nesta xornada. Líbero, Óscar Prieto: gran debut o do líbero de San Sadurniño con vitoria ligueira ante un rival directo. Seguro en defensa e moi incisivo en defensa Óscar reúne méritos para ser o mellor líbero da xornada.

O NÁUTICO DESPÍDESE DA SÚA AFECCIÓN CON VITORIA. RESULTADOS:

NÁUTICO BOIRO VOLEIBOL 3-2 CVAA LLARS MUNDET

(23-25, 26-24, 13-25, 25-19, 15-12)-(Superliga 2 Masculina)

O Náutico, coa asociación ALCER

A despedida desta edición 2014-15 da SM-2 non puido ser mellor para os siareiros que cada 15 días se congregan na Cachada para ver ó seu equipo. O CVAA Llars Mundet catalán, inmerso de cheo na pelexa polo ascenso á máxima categoría do volei nacional, non puido cun gran Náutico que se levaba o encontro nun apaixoante tie-break no que o oposto Juan Díaz-Romeral volveu a ser decisivo. O encontro comezaba igualado froito das imprecisións de galegos e cataláns. Foi chegado o ecuador do mesmo cando o oposto Ignacio Calderé e os erros de ataque condeaban ós boirenses que vían como os da cidade condal se colocaban en disposición de pechar a manga (14-20). Lonxe de baixar os brazos os de Emilio Palacio loitaron e gracias a unha gran rotación de saque de Gabriel del Carmen conseguían facer dubidar ós visitantes que pasaron dun 20-24 a un 23-24 en cuestión de segundos. Un erro de saque buscando a igualada poñería o 23-25 definitivo. O arranque do segundo set facía presaxiar un duro encontro para os nosos. A gran actuación en bloqueo dos de Toni Alemany disparaban ós barceloneses camiño do primeiro tempo técnico. A entrada de Gustavo Romero e Manuel Pérez dotou de sacrificio ó Náutico que paseniño lle foi collendo o pulso a un complicadísimo encontro. Sería a conexión Iván Souto-Mario Iglesias a que cun primeiro tempo levaría as táboas ó luminoso da Cachada. O 3º foi de claro dominio visitante. A figura do central Iván Lanza comezou a brilar en bloqueo e os atacantes do Náutico sufriron un baixón na súa efectividade. Dirixidos por un gran Sergi Arranz o Llars colocábase de xeito cómodo en vantaxe. No 4º os nosos levaron a cabo a réplica. Juan Díaz-Romeral atopaba constantemente o firme catalán e o alto nivel de defensa galega outorgáballe ó Náutico numerosas situacións de contra. Sería de novo cun ataque por zona 3 (desta volta con Germán Romero como protagonista) o que pecharía o set en prol do Náutico e levaría o encontro a un desempate que se antoxaba apaixoante. Tódolas miradas estaban en Boiro e Castellón. Na cidade valenciana estábase a xogar simultáneamente un CV Mediterráneo-CV Melilla no tie-break que decantaría o ascenso ben para Llars ou ben para os africanos. Na Cachada os cataláns apretaban os dentes e comezaban o desempate cun 0-3 que complicaba moito as cousas. Foi neste momento cando a aparición de Juan Díaz-Romeral desequilibrou a balanza no noso favor. Cunha espectacular cifra de 8 puntos neste set poñería a salvo unha vitoria que afastaba ós barceloneses do ascenso malia que CV Melilla tamén caía en Castellón nun apretado final. Inmellorable fin de festa para un Náutico que remata 6º na liga e seguirá a lo menos un ano máis na elite do volei español. Consulta neste enlace a estadística do encontro. Polo Náutico formaron Iván Souto, Juan Díaz-Romeral, Gabriel del Carmen, Cristóbal Álvarez, Germán Romero, Mario Iglesias e Adrián Alves (líbero). Tamén xogaron Ismael Martínez, Narciso Abalo, Manuel Pérez, Gustavo Romero e Fran Dieste.

OS EQUIPOS FEMININOS COPAN O #7IDEALBOIRO VOLEIBOL DESTA SEMANA:

Elas pisan forte nesta xornada

As vitorias dos equipos femininos concentran un puñado de boas actuacións polo que como non podía ser doutra maneira o top 7 desta semana está protagonizado por elas. Colocadora, Laura Martínez: seria na xestión do caudal ofensivo do JEALSA e moi incisiva desde a liña de saque a xogadora do primeiro equipo feminino colaborou de maneira activa na vitoria boirense sobre o Dompa Getsión. Oposta, Sara Ordóñez: gran actuación en saque e ataque para manter vivas as opcións de vitoria das nosas infantís en Lugo. Receptora 1, Paula Vázquez: foi a mellor xogadora do equipo cadete na vitoria das de Emilio Palacio sobre as ourensás do Dompa Gestión. Pouco a pouco Paula estase a convertir nun dos faros ofensivos deste JEALSA. Receptor 2, Cristóbal Álvarez: unha das grandes novas da fin de semana foi a extraordinaria actuación do Diablo no Parc Esportiu do Llobregat. Os 15 puntos de ataque e 1 bloqueo para un total de 16 cun 100% de recepcións positivas confirman o gran estado de forma do receptor do primeiro equipo. Central 1, Lidia Figueira: destacada aparición a da xogadora alevín na vitoria das infantís sobre as lousamianas na xornada do sábado. A súa regularidade desde a liña de saque foi clave neste triunfo. Central 2, Germán Romero: os seus 8 tantos repartidos en 7 ataques (78% de efectividade) e 1 bloqueo colocan a Germán como un dos centrais do noso septeto ideal particular. Líbero, Sheila Outeiral: seguridade en defensa e gran participación na defensa de segunda liña do JEALSA fan de Sheila unha das habituais nas aliñacións deste #7IdealBoiroVoleibol

RESULTADOS DA XORNADA DO 7 DE MARZO:

F.C. BARCELONA 3-2 NÁUTICO BOIRO VOLEIBOL

(21-25, 27-25, 25-19, 20-25, 15-8)-(Superliga 2 Masculina)

Boirenses e culés xogaron un encontro de alta tensión

O destino volveu a darlle a espalda ó Náutico. Tras un durísimo encontro no Parc Esportiu del Llobregat os boirenses vían como outro tie-break volvía a caer en saco do equipo rival. O encontro non podía comezar de mellor forma para os de Emilio Palacio. O tino ofensivo de Juan Díaz-Romeral (21 puntos) mantiña ós nosos con varios puntos de vantaxe culminados coa vitoria parcial cun gran bloqueo de Iván Souto. O segundo foi o set máis igualado do encontro. A entrada de Aaron Gámiz dáballe ós culés un toque de calidade e seguridade no seu xogo. Tras un case definitivo 24-22 para o FC Barcelona o Náutico reaccionou e situouse con bola de set para colocar o que sería un incrible 2-0. Unha imprecisión dos nosos e a gran aportación do bloqueo catalana situaban as táboas no marcador. Esta derrota pasou factura entre a expedición boirense. O oposto andaluz Germán López, máximo artilleiro do encontro con 26 dianas, botouse ó equipo catalán ás costas dominando de cabo a rabo a 3ª manga (25-19). A reacción galega non se fixo esperar. Un estelar Cristóbal Álvarez (16) volveu  a mostrar a súa mellor versión para tirar do carro branquiazul nun set no que o noso servicio presionou e moito a recepción do Barça. Deste xeito se chegaba ó set de desempate. Un gran Jordi Gens dirixiu con mestría a nave blaugrana para deixar sen opcións ó Náutico prácticamente desde o inicio do xogo. Incapaces de puntuar ante o entramado defensivo local vían os nosos como se distanciaban pouco a pouco os de Sergi Bosch para deixar os dous puntos na cidade condal. Consulta aquí a estadística completa do encontro. Polo Náutico xogaron: Iván S., Juan Díaz-R., Gabriel del C., Cristóbal Á., Mario I., Germán R. e Adrián A. (líbero). Como reservas estaban Daniel V., Pablo R., Adrián G., Manuel P. e Borja V.

HORARIOS DUNHA NOVA XORNADA NA QUE O NÁUTICO VIAXA A BARCELONA:

SÁBADO 7:

JEALSA BOIRO VOLEIBOL - DOMPA GESTIÓN

(16:00h, A Cachada)-(Liga Galega Cadete Feminina)

JEALSA BOIRO VOLEIBOL - DOMPA GESTIÓN

(17:30h, A Cachada)-(2ª Div. Autonómica Feminina)

JEALSA BOIRO VOLEIBOL - DOMPA GESTIÓN

(19:00h, A Cachada)-(Liga Galega Xuvenil Feminina)

F.C. BARCELONA - NÁUTICO BOIRO VOLEIBOL

(19:00h, Parc Esportiu Llobregat)-(Superliga 2 Masculina)

DOMINGO 8:

CLUB VIGO VOLEIBOL - JEALSA BOIRO VOLEIBOL

(13:00h, Lugo Institutos 2)-(2ª Fase Liga Zonal Infantil Feminina)

EMEVÉ IF2 - JEALSA BOIRO VOLEIBOL

(18:00h, Lugo Institutos 1)-(2ª Fase Liga Zonal Infantil Feminina)

O DERBI ANTE O CLUB VIGO DÉIXANOS ÓS PROTAGONISTAS DA XORNADA:

Top 7 da última xornada de febreiro

A pasada foi fin de semana de derbi na Superliga 2 e as actuacións que nos deixou este partido son merecedoras de mención nesta sección. O top 7 desta xornada queda deste xeito: Colocador, Iván Souto: foi quen de situar ós seus atacantes preto do 40% de efectividade ofensiva e acadou 4 puntos ó segundo toque e un ace para un total de 5 no seu cómputo xeral. Oposto, Juan Díaz-Romeral: máximo artilleiro do Náutico unha semana máis. 16 tantos de ataque (39% de acerto), 3 bloqueos directos e 2 puntos de saque son os números que lle permititon ó alcarreño formar no septeto ideal proposto pola RFEVB. Receptor 1, Pablo Nieto: imparable en ataque e moi acertado co seu saque foi o mellor xogador na vitoria do JEALSA cadete masculino en Narón. Receptor 2, Cristóbal Álvarez: os seus 14 puntos de ataque (48%) e un extraordinario 78% de recepcións positivas e 39% de perfectas foron motivos de peso para que o noso primeiro equipo quedase cos 3 puntos. Central 1, Alejandra Triñanes: gran actuación da infantil na visita do JEALSA a Ferrolterra. Foi prácticamente o único recurso ofensivo das nosas nun encontro no que pouco puideron facer ante o servicio local. Central 2, Borja Vilas: a estrea como titular deste xogador en idade xuvenil saldouse con 5 bloqueos directos que o sitúan como máximo bloquador da xornada igualado con Iván Lanza (CVAA Llars Mundet). Líbero, Darío Outeiral: recolleu cada balón que os cadetes naronenses atacaban a campo do JEALSA. A precisión que demostrou na recepción permitíulle ó seu colocador elaborar xogadas de moita calidade.

O NÁUTICO PUIDO CO CLUB VIGO NO DERBI DA SM-2. RESULTADOS DA XORNADA:

NÁUTICO BOIRO VOLEIBOL 3-1 CLUB VIGO VOLEIBOL

(25-22, 25-23, 25-27, 25-16)-(Superliga 2 Masculina)

O Náutico regálalle o derbi á súa afección

O derbi queda na Cachada. O primeiro equipo do Boiro Voleibol suma 3 novos puntos tras desfacerse por 3-1 do seu inmediato perseguidor na táboa clasificatoria da SM-2, o Club Vigo Voleibol. O encontro comezaba co Náutico máis atinado. A presión que os de Emilio Palacio exercían desde a liña de saque dificultaba a construcción do conxunto visitante por parte do seu colocador Óscar Sánchez. Deste xeito se chegaba ó primeiro tempo técnico do encontro cos boirenses mandando por 8-4. Chegada a decea de puntos os olívicos reaccionaron da man do seu oposto Carlos Galego, máximo anotador do encontro con 22 dianas. Foi no tramo final da manga cando os nosos pasaron dun 20-20 a un 23-20 e conseguían pechar o primeiro cun saque directo de Juan Díaz-Romeral. No segundo a tónica seguía a ser a mesma. O Náutico golpeaba primeiro e de novo volvía a ser o servicio a súa mellor arma. As rotacións de Iván Souto e sobre todo Gabriel del Carmen disparaban a un 6-1 o tanteador na parte inicial do set. A iniciativa no xogo neste parcial levouna constantemente o cadro boirense que, tras un favorable 21-16, vía como os de Manu Rodríguez igualaban o xogo a 21 froito do seu saber facer no bloqueo-defensa e as constantes imprecisións dos locais. Con balón de set para o Náutico (24-23) os vigueses fixeron un troco de xogador ao saque tentando desestabilizar a recepción branquiazul. O noiés Manuel Pérez recolleu o testigo do central Pablo Alonso e o seu envío foi directamente á rede para colocar o 2-0 no tanteador xeral. Tras esta vitoria parcial un baixón no nivel de xogo dos boirenses coincidía en tempo cos mellores momentos do Club Vigo. Os atacantes de banda vermellos, en especial Carlos Galego e Nathan Matos, conseguían agora superar o entramado defensivo proposto por Emilio Palacio para chegar a desfrutar de ata 4 oportunidades de pechar o set e recurtar distancias (20-24). Foi neste momento cando a entrada de Fran Dieste á liña de saque e o tino de Borja Vilas en bloqueo lle outorgaban ós boirenses a posibilidade de pechar o encontro en 3 sets. Tras facer o máis difícil e igualar o luminoso a 24 puntos un ace de Carlos Galego cun saque que caía do ceo remataba coas opcións de remontada locais. A partires de aquí só houbo un equipo sobre a cancha. Os nosos volveron a confiar na presión co saque, faceta que sumada ó tino ofensivo de Díaz-Romeral e Cristóbal Álvarez sería suficiente como para pechar o 4º e último con un contundente 25-16 que poñía a salvo os 3 puntos en xogo. Consulta a estadística do encontro aquí. Polo Náutico xogaron de inicio Iván Souto, Juan Díaz-Romeral, Cristóbal Álvarez, Gabriel del Carmen, Borja Vilas, Germán Romero e Adrián Alves (líbero). Como suplentes estaban Ismael Martínez, Narciso Abalo, Manuel Pérez, Adrián Gatbache e Fran Dieste.