Resultados do 26 e 27 de febreiro:

AD XIRIA ASESORÍA CERVANTES 3-0 BOIRO VOLEIBOL
(25-23, 25-17, 25-16)-(Liga provincial xuvenil feminina)

Saúdo das xuvenís ó comezo do partido

Derrota en 3 sets das nosas xuvenís ante o líder da súa categoría. O Boiro comezou o primeiro parcial con acerto, bo ataque, boa posición (sobre todo en defensa) e bo saque. O parcial estivo marcado pola igualdade entre ambos equipos, e os cambios no luminoso, xa que ambos conseguían ter momentos co tanteador favorable en 3-4 puntos, que logo o contrincante rebaixaba. Un parcial moi igualado, que puido ser para calquera, pero que se levou o Xiria. A partires de ahí o Boiro desaparecía do encontro. O xogo das nosas veuse marcado pola imprecision, erros en ataque e fallos en recepción. As locais souberon aproveitar esta circunstancia para levarse a vitoria sen dificultades. Polo Boiro Voleibol xogaron: Ana, Sara, Ángela, Katy, Evelyn, Sheila e Iria (líbero). Tamén viaxaron Andrea, Adriana e Patri.

HIPESCAR BOIRO VOLEIBOL 1-3 CV RIANXO

(25-15,17-25,24-26,20-25)-(1ª división nacional masculina)

Bloqueo de Manu e Óscar

Merecido tropezo do primeiro equipo masculino ás ordes de Emilio Palacio por un resultado de tres sets a un no derbi comarcal desta 1ª división nacional masculina. O partido comezaba cos locais máis atinados no seu K1 (recepcíon-ataque) e sumado ós erros do CV Rianxo facía que o parcial caera con comodidade en peto local. A partir deste momento o Hipescar desapareciu do encontro. O alto bloqueo rianxeiro, unido á atinada actuación que mostraron os xogadores de Pablo Alonso na segunda liña de defensa, complicou e condicionou moito o ataque dos boirenses a partires do segundo parcial que remataría cun contundente resultado favorable para os da vila de Castelao (17-25). Mellorou lixeiramente o xogo do Hipescar no 3º. A pesar de ir a maior parte do set 2-3 puntos por debaixo no tanteador, os nosos conseguiron chegar ó momento quente do mesmo con opcións de levarse a vitoria. Unha acertada acción dos rianxeiros no seu K2 permitiu anotarse pola mínima este set (24-26). Comezaba o cuarto set e os nosos conxurábanse para darlle a volta á adversa situación e demostrar porqué son o líder da competición. Non foi posible. Elevado nivel de bloqueo e acerto e continuidade no seu contrataque foi o resumo do último parcial que se levou con merecemento o CV Rianxo por 20-25. Non hai excusa, o rival foi superior e debemos facer un correcto análise dos erros cometidos para non volver a repetilos no trascendental encontro que os de Boiro afrontarán o vindeiro sábado en terras viguesas ante un rival directo na pelexa por esta competición. Polo Hipescar Boiro Voleibol xogaron: Iván Souto "Pas", Narciso Abalo, Manuel Pérez, Cristóbal Álvarez, Jesús Vázquez "Pivot", Óscar Gómez e Adrián Alves "Chicho" (líbero). Como reservas estaban Daniel Eiras, Ignacio Cibeira "Frigu", Miguel Vázquez, Gustavo Romero e Antón Pérez.
Malia o adverso resultado o Hipescar segue ó frente da clasificación e conserva o liderado desta 1ª división nacional masculina. Os rivais directos dos nosos tiveron sorte dispar nos seus encontros, por unha parte o Universidade de Valladolid vencía con solvencia ó Zalaeta de Coruña por 3-1. En cambio o Club Vigo Voleibol sucumbía ante o Intasa San Sadurniño por un rotundo 3-0.

Equipo

J

G

P

PS

SF

SC

PF

PC

Pts

1	Hipescar Boiro Voleibol	12	9	3	0	32	17	1120	1002	21
2	Universidad de Valladolid	12	9	3	0	30	19	1102	1018	21
3	Club Vigo Voleibol	12	8	4	0	26	20	1030	953	20
4	Intasa San Sadurniño	13	7	6	0	24	23	1047	1034	20
5	C.V. Rianxo	13	6	7	0	25	24	1113	1089	19
6	Aule	12	6	6	0	27	24	1110	1144	18
7	CID Jovellanos	12	6	6	0	24	23	1071	1042	18
8	Zalaeta	12	3	9	0	14	29	925	1008	15
9	Auria Vella Voleyourense	12	1	11	0	11	34	854	1082	13

REYCA BOIRO VOLEIBOL 3-0 STA. MARÍA DEL MAR

(25-23,25-15,25-18)-(Liga galega cadete masculina)

Apoio do Reyca

Contundente triunfo do equipo cadete masculino do Boiro Voleibol ante un rival directo nesta liga galega. Os de Andrés Martñinez comezaron o encontro dubitativos, situación que aproveitarían os coruñeses para adiantarse no primeiro xogo na metade do mesmo. A medida que se achegaban os momentos decisivos deste primeiro parcial o Reyca afinaba o seu xogo para igualar o tanteador e conseguir levarse o set por 25-23, apoiándose na orde defensiva e acerto en contrataque dos seus xogadores. No segundo, os nosos non daban opción ós visitantes. Orde táctica e acerto no seu ataque por ambas bandas foron as balas que usaron os boirenses para anotarse o parcial. Destacaron neste set Daniel Vázquez (4 puntos) e Abel Sánchez (3 puntos). A tónica mantíñase no terceiro tempo. Os rapaces do Reyca Boiro Voleibol mostraron un xogo ben organizado e cunha alta porcentaxe de acerto no seu ataque motivos máis que suficientes para facer perecer ós de Sta. María del Mar. Destacados neste set foron Ismael Martínez (6 puntos) e Fran Dieste e Abel Sánchez (3 puntos cada un). Polo Reyca xogaron: Abel Sánchez, Daniel Vázquez, Xián Pérez, Ismael Martínez, Lois Vázquez e Fran Dieste. Como reservas estaban Óscar Refojo, Raúl Lojo e Alfonso Rey.

Partidos do 26 e 27 de febreiro

SÁBADO 26:

XORNADA DE DEPORTE ESCOLAR

(Rianxo a partir das 10:30)

AD XIRIA ASESORÍA CERVANTES - BOIRO VOLEIBOL

(12:00h, Pav. Zona escolar)-(Liga provincial xuvenil feminina)

HIPESCAR BOIRO VOLEIBOL - CV RIANXO

(18:00h, Polideportivo de "A Cachada)-(1ª Div. nacional masculina)

DOMINGO 27:

REYCA BOIRO VOLEIBOL - STA. MARÍA DEL MAR

(11:00h, Polideportivo de "A Cachada)-(Liga galega cadete masculina)

Resultados do 19-20 de febreiro:

OS BACELOS DODRO 3-1 BOIRO VOLEIBOL

(23-25,25-20,25-19,25-13)-(Liga provincial cadete feminina)

Sheila prepara o saque en Dodro

Partido no que según o seu adestrador as nosas xogaron con apatía e falta de actitude. As locais aproveitaron estas circunstancias e, de menos a máis e cun xogo pouco vistoso pero efectivo conseguiron levarse a vitoria dun xeito merecido. Polo Boiro Voleibol xogaron: Sheila (10 puntos), Ana (20), Alejandra, Sara (6), Katy (8) e Alba. Tamen xogaron Melissa (3), Sandra (1) e Andrea. O equipo ás ordes de Juan Resúa finaliza a competición regular desta liga provincial nunha meritotia 3ª plaza polo que o día 12 de marzo disputará a fase de ascenso á Liga Gallega Cadete. Moita sorte para elas, ánimo.

ZALAETA 3-1 TRILLIZOS BOIRO VOLEIBOL

(25-13,25-17,17-25,25-23)-(Liga galega xuvenil masculina)

Bloqueo de Diego Romero

Ata Coruña se desplazaban os pupilos de Andrés Martínez para facer fronte ó equipo local do Zalaeta. Comezaba o encontro cos nosos totalmente desconectados en recepción, cuestión que impedía trenzar combinacións en ataque e incomodar o entramado defensivo dos coruñeses. Esta situación de imprecisión reinou nos dous primeiros xogos, os cales dominou o Zalaeta con soltura. No terceiro, o Trillizos aumentou a porcentaxe de recepcións boas, elevou o nivel de defensa e o seu xogo resultou ser de máis nivel. O resultado deste parcial foi de 17-25. O cuarto set estivo marcado pola igualdade pero o acerto dos locais en momentos importantes fixo que caera deste lado por un axustadísimo tanteador de 25-23. Polo Trillizos Boiro Voleibol xogaron: Diego García, Diego Romero, Miguel Lorenzo, Antón Pérez, Martín Herrera, Ismael Martínez e Arsenio (líbero).

ACERSA VOLEY ARTEIXO 2-3 PROBOIN BOIRO VOLEIBOL

(25-23, 13-25, 21-25, 25-21, 7-15)-(2ª Div. autonómica feminina)

Alicia e Ángela en bloqueo frente as de Arteixo

Vitoria importante para o Proboin ante un rival directo nesta 2ª división autonómica feminina, que sumada á derrota do San Sadurniño ante o XAV Cambados por 3-2 lles permite ás boirenses situarse líderes en solitario da competición. Comezaron as boirenses cun moi bo plantexamento táctico pero con numerosos erros, sobre todo en recepción e saque. Desta situación aproveitáronse as locais para levarse o primeiro parcial. No segundo set as pupilas de Andrés Martínez saíron moito máis concentradas, aumentando sobre todo o nivel de saque que fixo estragos na recepción local e anotándose o set de maneira merecida. O terceiro e cuarto set foron os máis igualados da disputa. As locais melloraron a recepción e a súa eficacia en bloqueo mentres que as boirenses apoiábanse nunha gran defensa que evitaba que as coruñesas puideran pechar os puntos con facilidade. O resultado foi de un set para cada conxunto. No tie-break as nosas saíron cunha mentalidade moito máis agresiva moi animadas e cun xogo contundente co equipo rival que en ningún momento puido plantarlle cara ás rapazas do Proboin. Polas boirenses xogaron: Ángela Triñanes, Luci Paz, Carolina Cuadros, Alicia Novoa, Rebeca González, María Triñanes e Carla Castro (líbero). Como reservas estaban Luisa, Sara Martínez e Leonor Lorenzo.

ZALAETA B 3-0 REDESYL BOIRO VOLEIBOL

(25-22,25-22,25-16)-(2ª Div. autonómica masculina)

Disposición do Redesyl

Dura derrota a sufrida polo equipo filial en terras coruñesas. Non conseguiron os de Antón Pérez construir o xogo como eles desexaban posto que a recepción foi deficiente complicando a transición ó ataque por parte dos nosos colocadores. Con este tropezo o Redesyl da un paso atrás nas súas aspiracións ligueiras polo que deberán comezar a carburar a maquinaria canto antes para revertir a situación no futuro.Redesyl Boiro Voleibol: Rubén Taibo "Mechas", Roberto Rodríguez "Tito", Diego Romero, Adrián Armental "Naranxo", Antón Pérez "Balboa", Fran López "Chepe" e Diego Alcalde (líbero). Como reservas estaban Luis Lustres, Alén García, Manuel Pérez "Cholo", Juan "Mande" e Rubén Román Vidarte.

VOLEIBOL DUMBRÍA 2-3 REYCA BOIRO VOLEIBOL

(21-25,20-25,25-12,25-21,17-19)-(Liga galega cadete masculina)

Abel en colocación

Axustada vitoria do equipo cadete masculino do Boiro Voleibol nesta liga autonómica ante o Voleibol Dumbría, deste xeito os rapaces do Reyca afirman a importante evolución do seu xogo cun bo resultado nunha complicada cancha. Os de Andrés Martínez mantiveron unha boa orde defensiva con especial atención nos ataques ó segundo toque e nas fintas do equipo rival. Mellorou tamén a actividade psicolóxica respecto a outros días xa que a intensidade dos nosos empezou a parecerse á que se lle solicita nos adestramentos. Non cabe dúbida de que esta non é máis que unha mostra de potencial para os rapaces do Reyca Boiro Voleibol, nos que todo o club ten posta as súas esperanzas de cara un futuro próximo. Polo Reyca xogaron: Ismael Martínez, Fran Dieste, Xian Pérez, Raúl Lojo, Daniel Vázquez, Abel Sánchez, Óscar Refojo, Lois Vázquez e Alfonso.

¿Queres seguir xogando como local na Cachada?

Imaxino que a resposta a esta pregunta será por todos unánime, un "si" rotundo escoitase de fondo. Pois de nós depende moz@s do Boiro Voleibol. Puntualidade, responsabilidade, compromiso, seriedade, orde, madurez, sensatez, etc, etc...Moitos son os adxectivos que describen cál debería ser o comportamento de todos nós nunha instalación deste tipo e que debemos elevar á máxima potencia se queremos que "A Cachada" siga sendo o noso fogar deportivo. Nos últimos tempos o comportamento en moitas ocasións non foi o que o xestor da instalación esixe, nin moito menos. Descoidos, desfases horarios, detalles sempre sen maldade nin mala intención, pero ó fin e ó cabo descoidos, irregularidades pola nosa parte. O xestor da instalación, coma xestor que é esixe. As súas esixencias deben ser acatadas polos usuarios (nós), respetando en todo momento e en tódalas súas vertentes o pacto que existe entre o Boiro Voleibol e ditos xestores deportivos (horarios, protocolos, etc.).

Para evitar posibles interferencias a continuación citaremos os horarios pactados entre ámbalas dúas partes, horarios que deberemos respetar milimétricamente:

Disposición horaria en "A Cachada"

Partidos do 19 e 20 de febreiro:

SÁBADO 19:

OS BACELOS DODRO - BOIRO VOLEIBOL

(12:00h, PM Dodro)-(Liga provincial cadete feminina)

ZALAETA - TRILLIZOS BOIRO VOLEIBOL

(17:00h, Pav. Instituto Zalaeta)-(Liga galega xuvenil masculina)

ACERSA VOLEY ARTEIXO - PROBOIN BOIRO VOLEIBOL

(18:30h, Pav. Arteixo)-(2ª Div. autonómica feminina)

ZALAETA B - REDESYL BOIRO VOLEIBOL

(18:30h, Pav. Instituto Zalaeta)-(2ª Div. autonómica masculina)

DOMINGO 20:

VOLEIBOL DUMBRÍA - REYCA BOIRO VOLEIBOL

(10:00h, PM Dumbría)-(Liga galega cadete masculina)

Resultados do 12-13 de febreiro:

Boiro Voleibol en Cee

Ata Cee se desplazaban os máis cativos do Boiro Voleibol para disputar esta nova concentración do deporte escolar. Diante había rapaces doutras escolas como Rianxo, Noia, Cee ou Padrón polo que as vivenzas foron intensas e moi productivas para os nosos que empezan a relacionarse con rapaces que practican a súa mesma actividade, o voleibol. No apartado deportivo, cabe destacar o bo traballo que están a levar a cabo os técnicos do noso clube cos máis pequenos xa que as evolucións son evidentes en todos e cada un dos mozos. A seguir traballando.

PROBOIN BOIRO VOLEIBOL 3-0 DOMPA GESTIÓN (Ourense)

(25-11,25-14,25-12)-(2ª Div. autonómica feminina)

Bloqueo de Ángela e Carolina frente o Dompa

Cómoda vitoria das rapazas de Andrés Martínez en 3 sets ante o equipo colista desta 2ª división galega. Non deron opción as boirenses ó seu rival mantendo un ritmo constante en todo o encontro. As nosas non chegaron a alcanzar, nin moito menos, o seu máximo nivel xa que a esixencia do encontro era moi reducida. Cabe destacar a aportación en ataque de Rebeca González e a orde defensa-contraataque que mantivo o cadro do Proboin durante toda a disputa. Esta vitoria permítelle ó primeiro equipo feminino do Boiro Voleibol manterse na loita pola primeira plaza xa que antes desta xornada se encontraba compartindo o liderado con Voley Arteixo e San Sadurniño. Polo Proboin Boiro Voleibol xogaron: Ángela Triñanes, Luci Paz, María Triñanes, Rebeca González, Alicia Novoa, Carolina Cuadros e Carla Castro (líbero). Como reservas esperaban o seu momento Leonor Lorenzo, Luisa e a xuvenil Ángela Fernández.

EQUIPO		PJ	PG	PP	NP	JF	JC	TF	TC	PUNTOS
1	Proboin Boiro Voleibol	12	10	2	0	34	9	1029	813	22
2	Voley Arteixo	12	10	2	0	32	10	979	780	22
3	San Sadurniño	12	9	3	0	32	14	1043	866	21
4	Emeve Lab. Nupel B	10	8	2	0	25	11	815	757	18
5	XAV Cambados	12	4	8	0	16	28	902	1004	16
6	Comercial Durán	10	5	5	0	19	17	798	769	15
7	Calasancias Coruña B	11	4	7	0	14	25	780	869	15
8	Autos Rico UDC A	11	3	8	0	15	26	831	916	14
9	CD Conxo	11	3	8	0	14	30	886	991	14
10	Dompa Gestión	11	0	11	0	2	33	565	863	11

REYCA BOIRO VOLEIBOL 0-3 C. MANUEL CRUZ CV OURENSE

(21-25,13-25,20-25)-(Liga galega cadete masculina)

Abel ó saque

Derrota en tres sets dos cadetes do Boiro Voleibol ante un rival con maior experiencia que salvo contadas ocasións controlou o ritmo do encontro. Os de Andrés Martínez demostraron as súas evolucións e non llo puxeron nada sinxelo ós ourensáns. Cabe destacar a actuación do boirense Fran Dieste que no primeiro parcial da disputa se meteu no peto unha cifra de 4 puntos directos de bloqueo. A orde e a distribución táctica dos nosos cadetes mellorou significativamente pero malia esto a vitoria non foi posible. Poro Reyca Boiro Voleibol xogaron: Ismael Martínez, Fran Dieste, Xian Pérez, Daniel Vázquez, Abel Sánchez,Óscar Refojo, Raúl Lojo e Lois Vázquez.

HIPESCAR BOIRO VOLEIBOL 3-1 AURIAV. VOLEYOURENSE

(25-16,24-26,25-14,25-17)-(1ª Div. nacional masculina)

Hipescar en recepción

Nova vitoria do primeiro equipo masculino que os permite permanecer unha semana máis á cabeza desta 1ª división nacional de voleibol. Comezaba o encontro co Hipescar sen dúbidas no seu xogo mantendo un nivel de defensa aceptable e unha contra boa como xa é habitual nos últimos tempos. O segundo set estivo dominado polas imprecisións locais. Múltiples erros en recepción e ataque permitíalles ós ourensáns mandar case que na totalidade do set. A intensidade do xogo boirense era practicamente nula pero tras un tempo morto o xogo do Hipescar volvía a ser efectivo. A reacción non foi suficiente e o desenlace era de vitoria visitante por un apretado 24-26. No inicio do terceiro set o equipo boirense non daba opción ó seu rival. Aprenderon a lección tras o desastre do segundo parcial os de Emilio Palacio e puxeron a directa cara o triunfo para levarse os dous seguintes xogos con autoridade e tanteador abultado. Polo Hipescar Boiro Voleibol xogaron: Iván Souto "Pas", Narciso Abalo, Cristóbal Álvarez, Gustavo Romero, Óscar Gómez, Jesús Vázquez e Adrián Alves "Chicho" (líbero). Como reservas atopábanse Miguel Vázquez, Daniel Eiras, Ignacio Cibeira, Antón Pérez e Martín Herrera. O primeiro equipo masculino afrontará a próxima semana a súa xornada de descanso e farao como líder da competición nacional na que milita. Noraboa para todos eles e a seguir así.

Equipo

J

G

P

PS

SF

SC

PF

PC

Pts

1	Hipescar Boiro Voleibol	11	9	2	0	31	14	1034	911	20
2	Club Vigo Voleibol	10	7	3	0	23	15	859	793	17
3	Universidad de Valladolid	10	7	3	0	24	18	932	883	17
4	Aule	10	6	4	0	24	18	935	933	16
5	C.V. Rianxo	11	5	6	0	22	20	950	924	16
6	Intasa San Sadurniño	11	5	6	0	18	23	893	901	16
7	CID Jovellanos	10	4	6	0	18	21	869	866	14
8	Zalaeta	10	3	7	0	12	23	762	812	13
9	Auria Vella Voleyourense	11	1	10	0	11	31	796	1007	12

TRILLIZOS BOIRO VOLEIBOL 0-3 G.G. ENER. CV OURENSE

(14-25,16-25,18-25)-(Liga galega xuvenil masculina)

Os xuvenís do Trillizos en recepción

Derrota do equipo xuvenil do Boiro Voleibol en 3 sets. Diante estaba un experimentado equipo como é o ourensán que non permitía ós de Andrés Martínez a máis mínima distracción. O encontro estivo totalmente marcado polos numerosísimos erros en tódalas facetas dos xogadores do Trillizos. Por momentos o xogo dos nosos era bo, con fluidez e alegría pero as constantes imprecisións poñíanlle en bandexa a vitoria ó equipo visitante. Polo Trillizos Boiro Voleibol xogaron: Ismael Martínez, Antón Pérez, Diego Romero, Martín Herrera, Diego García, Miguel Lorenzo e Arsenio (líbero). Tamén xogaron Dani Sieira, Xian Pérez, Abel Sánchez, Daniel Vázquez e Fran Dieste.

BOIRO VOLEIBOL 3-2 CV AMES

(25-22,23-25,25-15,15-25,15-13)-(Liga provincial cadete feminina)

As cadetes en recepción frente a Ames

Encontro disputadísimo en tódalas facetas tal e como indican os parciais no que o noso equipo cadete feminino mostrou unha moi boa actitude durante todo o encontro que as levou a doblegar ó líder da categoría. Con esta vitoria as rapazas que dirixe Juan Resúa siguen optando as prazas que dan o ascenso á liga galega cadete feminina. Polo Boiro Voleibol xogaron: Ana, Alejandra, Katy, Sara, Alba e Sheila. Como reservas esperando a súa oportunidade estaban Sandra, Andrea e Cristina. O próximo encontro das rapazas cadetes do Boiro Voleibol será en Dodro, nun partido que as enfrontará a "Os Bacelos".

BOIRO VOLEIBOL 3-2 CV AMES

(25-27,25-21,25-21,16-25,15-5)-(Liga provincial xuvenil feminina)

Sheila fintando

Igualado encontro o que se viu nesta mañá de domingo no polideportivo de "A Cachada" no que os altibaixos de ámbalas escadras foron a tónica xeral do partido. Por momentos houbo un xogo de calidade pero por outro lado os erros e as imprecisións tamén estiveron presentes en gran medida. Cabe destacar a aportación de Ana Bugallo no equipo local, chegando a anotarse a boa cifra de 24 puntos. Na tarefa defensiva do Boiro Voleibol destacou Sheila Outeiral, actuando de oposta e solucionando os habituais problemas defensivos en zona 1 que arrastraba o equipo xuvenil feminino do club. Por parte do Boiro Voleibol xogaron: Patri, Ana, Katy, Sheila, Évelyn, Ángela e Iria (líbero). Como reservas estaban Andrea, Adriana, Sara e Sindy. A vindeira xornada as nosas desplazaranse ata Carballo para enfrontarse ó lider da categoría, o AD Xiria Asesoría Cervantes.