Resultados do 4 e 5 de febreiro:

AUTOS RICO UDC A 0-3 PROBOIN BOIRO VOLEIBOL

(23-25,16-25,14-25)-(2ª div. autonómica feminina)

Rebe en ataque na Coruña

Volvían as rapazas do Proboin ó camiño da vitoria tralo tropezo da semana pasada ante o Emeve. Foi un partido dominado dende os comezos polas de Andrés Martínez que impuxeron o seu ritmo dificultando os sistemas das coruñesas en todo momento. Despois das dúbidas iniciais das boirenses que levaron o primeiro parcial a un axustado pero favorable desenlace, as locais baixaron os brazos e sucumbiron ante a orde e efectividade das nosas. Un día máis o primeiro equipo feminino demostra o saber facer e a efectividade da que disfrutan as súas accións. Polo Proboin Boiro Voleibol xogaron: Ángela Triñanes, Luci Paz, María Triñanes, Rebeca González, Alicia Novoa, Carolina Cuadros e Carla Castro (líbero). Tamén xogaron Sara Martínez, Anael Gómez e Luisa. Con este triunfo a táboa clasificatoria queda da seguimte forma, mantendo as nosas intactas as opcións de fase de ascenso á 1ª división nacional:

EQUIPO		PJ	PG	PP	NP	JF	JC	TF	TC	PUNTOS
1	Voley Arteixo	11	9	2	0	29	8	882	679	20
2	Proboin Boiro Voleibol	11	9	2	0	31	9	954	776	20
3	San Sadurniño	11	9	2	0	30	11	942	769	20
4	Emeve Lab. Nupel B	10	8	2	0	25	11	815	757	18
5	Comercial Durán	10	5	5	0	19	17	798	769	15
6	Calasancias Coruña B	10	4	6	0	13	22	703	781	14
7	Autos Rico UDC A	11	3	8	0	15	26	831	916	14
8	XAV Cambados	11	3	8	0	13	27	814	927	14
9	CD Conxo	11	3	8	0	14	30	886	991	14
10	Dompa Gestión	10	0	10	0	2	30	528	788	10

BERTAMIRÁNS FC VOLEIBOL 3-1 REYCA BOIRO VOLEIBOL

(25-19,12-25,25-21,25-20)-(Liga galega cadete masculina)

Bloqueo-defensa do Reyca

Non puido darse a vitoria dos nosos cadetes do Reyca en Bertamiráns. O primeiro set comezou con moitos erros pola nosa parte por falta de concentración. No segundo set os xogadores do Reyca demostraron do que son capaces, acadando a vitoria con relativa facilidade, tal e como demostra o parcial. Nos derradeiros sets, os boirenses volveron a caer na rutina dos erros, que unido a algunha acción  desafortundada, propiciou que a atención dos xogadores se mantivera axena ó xogo, o que souberon aproveitar os xogadores do Bertamiráns. Polo Reyca Boiro Voleibol xogaron: Abel, Isma, Xián, Fran, Dani, Lois, Raúl e Oscar.

FISIOTERAPIA CINESIA NOIA 3-2 BOIRO VOLEIBOL

(25-22,18-25,25-13,24-26,15-10)-(Liga prov. cadete feminina)

En palabras do adestrador Juan Resúa, mal partido das boirenses no seu desplazamento a Noia. As nosas saíron ó terreo de xogo toatalmente condicionadas polo ambiente que se vivía no polideportivo noiés no que se congregaron un bo número de siareiros que non foron todo o deportivos que se debe ser nun espectáculo deste tipo. Imprecisións en ataque e recepción propiciaron a derrota do equipo cadete feminino do Boiro Voleibol. Polo Boiro Voleibol xogaron: Alejandra, Sara, Sheila, Ana, Katy, Alba, Marta e Lara.

UNIV. DE VALLADOLID 0-3 HIPESCAR BOIRO VOLEIBOL

(23-25,22-25,21-25)-(1ª div. nacional masculina)

Bloqueo de Cristóbal e Jesús

Poderíase calificar de vital para as aspiracións ligueiras dos de Emilio Palacio a contundente vitoria do primeiro equipo masculino do Boiro Voleibol ante un rival directo como é o UVA. Chegaban a Valladolid os nosos moi enchufados e sendo coñecedores da importancia deste choque. Comezaba o encontro co Hipescar moi concentrado, reflexando directamente esta situación no luminoso no que sempre estiveron con 3-4 puntos de vantaxe. As chaves deste primeiro xogo foron a continuidade no cambio e o acerto no complexo bloqueo-defensa, destacando a aportación en primeira liña de Iván Souto "Pas" e Óscar Gómez que conseguiron un bo puñado de puntos directos de bloqueo. O segundo set comezaba cun Hipescar menos intenso e alegre no seu xogo. Os locais agarráronse á pista e conseguiron situarse cun 15-10 favorable. Tras un tempo morto solicitado polo técnico boirense a imaxe mudou. Volveu a habitual fluidez, alegría e acerto sobre todo en bloqueo e contraataque. Deste xeito os nosos, cun parcial de 1-7 deron a volta ó tanteador e conseguiron impoñerse por 22-25. No terceiro e definitivo o Hipescar non dou opción aos vallisoletanos. Boa construcción do xogo, actitude propia dun equipo cunha personalidade moi forte e acerto nos momentos importantes levaron ó marcador favorable durante todo o set para rematar 21-25. Polo Hipescar Boiro Voleibol xogaron: Iván Souto "Pas", Narciso Abalo, Cristóbal Álvarez, Manuel Pérez Andrade, Jesús Vázquez "Pivot", Óscar Gómez e Adrián Alves "Chicho" (líbero). Como reservas esperaban a súa oportunidade Miguel Vázquez, Gustavo Romero, Ignacio Cibeira "Frigu", Antón Pérez e Daniel Eiras. Con este triunfo o Hipescar mantén o liderado da 1ª división nacional, deixando ó Universidade de Valladolid cun triunfo menos.

Equipo

J

G

P

PS

SF

SC

PF

PC

Pts

1	Hipescar Boiro Voleibol	10	8	2	0	28	13	935	838	18
2	Universidad de Valladolid	10	7	3	0	24	18	932	883	17
3	Club Vigo Voleibol	9	7	2	0	23	12	794	718	16
4	C.V. Rianxo	10	5	5	0	21	17	861	832	15
5	Aule	9	5	4	0	21	17	843	844	14
6	Aldebarán San Sadurniño	10	4	6	0	15	23	818	843	14
7	CID Jovellanos	9	3	6	0	15	21	794	801	12
8	Zalaeta	9	3	6	0	12	20	704	737	12
9	Auria Vella Voleyourense	10	1	9	0	10	28	723	908	11