RESULTADOS 10-10-2015. COMEZO DAS LIGAS AUTONÓMICAS 2015 E SM-2:

NÁUTICO BOIRO VOLEIBOL 2-3 ALDEBARÁN SAN SADURNIÑO

(27-25, 28-30, 25-19, 34-36, 15-17)-(2ª Xornada da Superliga 2 Masculina)

Gabriel Del Carmen sacando no encontro do sábado

Derrota do Náutico, por segundo ano consecutivo, nun dos derbis galegos da categoría de prata que os enfrontaba ós ferroláns do Aldebarán de San Sadurniño. A Cachada, como xa é costume nos últimos anos, vestía as súas mellores galas por motivo doble. A entrega do trofeo de campións de Copa Galicia de mans do presidente da FGVB, José Á. Luna, precedía a un gran espectáculo deportivo que non rematou da maneira que todos desexabamos. A igualdade foi máxima durante os dous primeiros sets, que se decidían nos instantes finais cun parcial para cada equipo. No terceiro o Náutico dominou con claridade. Un gran Gabriel Del Carmen (28 puntos) erixíase en baluarte ofensivo dos de Emilio Palacio, que camiñaban con decisión a por 3 puntos que os catapultarían á parte alta da táboa. Entonces chegaría o momento clave do encontro, o 4º set. Nada máis e nada menos que 45' de xogo e un tanteador de 34-36 levaría o choque ó tie-break logo de malgastar os nosos 2 oportunidades de pechar a contenda por 3-1. Como non podía ser doutra maneira o equilibrio entre as dúas escadras volvería a ser a tónica no set de desempate. Os pequenos detalles foron claves e o Aldebarán marchaba da Cachada con 2 valiosísimos puntos e cunha actuación sobresaínte do seu receptor murciano Francisco Fernández (31 puntos). O vindeiro sábado o Náutico viaxa a Madrid para medirse ó CV Leganés (19:00h, Pavillón Emilia Pardo Bazán). Polos boirenses xogaron de inicio Iván Souto, Emilio Palacio, Cristóbal Álvarez, Gabriel Del Carmen, Fran Dieste, Mario Iglesias e Adrián Alves (líbero). Como suplentes estaban Ismael Martínez, Xian Pérez, Naji Adrián Gatbache, Borja Vilas e Manuel Pérez. Nesta ligazón podes ver a estadística completa do partido.

JEALSA BOIRO VOLEIBOL 3-1 ASESORES VILA CASTRO OURENSE

(25-23, 14-25, 25-12, 25-15)-(1ª Div. Aut. Senior Masculina)

Ismael Martínez conectando con Fran Dieste o sábado

Os 3 puntos correspondentes a está primeira xornada da 1ª Autonómica quedaron na Cachada. Tras dous sets iniciais onde o xogo se mostrou moi apático por parte dos nosos chegouse ó 3º co empate no tanteador xeral. Foi neste momento cando se produxo o punto de inflexión e o JEALSA pasou a dominar con claridade o partido. Unha recepción de calidade permitíalle ós nosos colocadores facer unha óptima distribución do xogo ofensivo e superar claramente ós ourensáns que vían como os branquiazuis pechaban con contundencia as dúas seguintes mangas. A vindeira é semana de descanso para os de Adrián Alves. Polo JEALSA xogaban de inicio Ismael M., Xian P., Naji Adrián G., Diego R., Borja V., Félix R. e Dani G (líbero). Tamén xogaron Daniel V., Pablo R., Fran D., Juan O. e Lois V.

JEALSA BOIRO VOLEIBOL 0-3 CALDARIA VOLEYOURENSE

(15-25, 19-25, 25-27)-(1ª Div. Aut. Senior Feminina)

O JEALSA comeza con mal pé a liga

Derrota por 0-3 do primeiro equipo feminino ante o potente Caldaria. Foi un encontro de menos a máis por parte das nosas no que o saque visitante dificultaba en gran medida o primeiro toque do JEALSA. As dúas primeiras mangas transcorreron plácidas para as ourensás. Tan só no terceiro se entonaron as de Andrés Martínez gracias a unha sustancial melloría en ataque. Rebeca González e Mariana Díaz comezaron a engrasar a maquinaria ofensiva dun JEALSA que malgastaría dúas oportunidades de pechar o set para ver como o rival se levaba o encontro pola vía rápida. O Zalaeta coruñés, próximo rival das nosas (domingo 18, 10:30h). Polo JEALSA xogaron: Paula V., Rebeca G., Mariana D., Laura O., Alejandra M., Katy S., e Sheila O. (líbero). Paula M., Marta S., Sheila P., Laura P. e Sara T. formaban o banco de reservas. 

JEALSA BOIRO VOLEIBOL 2-3 ASESORES VILA CASTRO OURENSE

(17-25, 14-25, 21-25, 20-25, 13-15)-(1ª Div. Aut. Xuvenil Masculina)

Lance do encontro entre JEALSA e Asesores Vila Castro

Axustada derrota a sufrida polos xuvenís diante dun dos favoritos a dominar esta edición da 1ª Div. XM. Os ourensáns anotáronse con comodidade os dous primeiros parciais ante un inofensivo JEALSA. Foi no transcurso do 3º cando o esceario do encontro mudou por completo. O bloqueo-defensa dos nosos comezou a carburar e a actuación dos receptores boirenses a cobrar protagonismo. O saque local foi clave para desactivar a construcción do ataque que o Asesores Vila Castro viña desenvolvendo nos dous primeiros sets. Lois Vázquez e Christopher Rodríguez convertíanse nas bazas ofensivas dun JEALSA que conseguía forzar o desempate grazas ó gran traballo de todo o equipo. No 5º a igualdade reinaba pero un erro de ataque que rozaba a varilla ocasionaba a fuxida dos 2 puntos. Polo JEALSA xogaron Ismael M., Borja S., Christopher R., Lois V., Gabriel S., Félix R. e Darío O. (líbero). Tamén xogaron Rubén M., Manu T., Álex V. e Iván G.

JEALSA BOIRO VOLEIBOL 0-3 MGS VOLEYOURENSE

(9-25, 6-25, 14-25)-(1ª Div. Aut. Xuvenil Feminina)

As cadetes, parte importante no equipo xuvenil

Mal encontro o disputado polas xuvenís do JEALSA diante dun dos favoritos a ocupar praza de play-off unha vez rematada a fase regular desta 1ª División Autonómica Xuvenil Feminina. A potencia e precisión do servicio visitante impedía que as branquiazuis elaboraran con regularidade e comodidade un xogo ofensivo de certas garantías. Desta maneira a defensa ourensá, perfectamente posicionada, recuperaba unha e outra vez balóns para efectuar contras. A reacción boirense non chegou e inevitablemente os dous puntos fuxiron cara a Ourense nesta 1ª xornada de liga. O domingo visita á complicada cancha do Zalaeta para recuperar sensacións. Polo JEALSA xogaron: Paula V., Alejandra M., Luciana V., Laura P., Paula M., Lía V. e Irea T. (líbero). Tamén xogaron Laura O., Ada V., Sara T. e Marta S.

JEALSA BOIRO VOLEIBOL 3-2 AS MARIÑAS OLEIROS

(25-20, 25-23, 15-25, 22-25, 16-14)-(1ª Div. Aut. Cadete Feminina)

Paula Vázquez tentando superar o bloqueo de As Mariñas

Vitoria no 5º para as cadetes no primeiro encontro desta 1ª CF. O arranque das de Emilio Palacio foi moi bo. Un gran saque e regularidade no cambio foron as armas que empregaron as nosas para colocarse cun 2-0 de inicio. A partires de aquí todo cambiou. Os erros de saque e ataque aumentaban a medida que o saque visitante melloraba. Como consecuencia disto a recepción do JEALSA caía en picado e o xogo ofensivo local desaparecía por completo. Deste xeito se chegaría a un desempate que, nos seus intres iniciais, seguía polos mesmos derroteiros que os sets precedentes. Tan só a receptora debutante Paula Mourís conseguíu, co 8-14 no luminoso, revertir a situación grazas a unha xeira de saques extraordinaria. Polo JEALSA xogaron Ada V., Paula V., Lía V., Laura O., Marta S. e Alejandra R. Tamén xogaron Paula M., Sara T., Laura N., Olaya M. e Lara.

JEALSA BOIRO VOLEIBOL 3-0 ASESORES VILA CASTRO OURENSE

(25-9, 25-13, 25-13)-(1ª Div. Aut. Cadete Masculina)

Debut con vitoria para o JEALSA CM

Claro triunfo dos cadetes na súa estrea ligueira diante dos ourensáns do Asesores Vila Castro. Á xa coñecida baixa de Pablo Nieto (Concentración Permanente da Selección Española Xuvenil en Palencia) sumábase tamén por lesión a de Daniel Olveira, problemática que non lastrou ós nosos no seu afán por comezar a fase regular con vitoria. A superioridade do JEALSA foi total, marcando o territorio xa desde a liña dos 9 metros. Os visitantes non tiñan argumentos para facer dubidar a nosa defensa, que perfectamente posicionada no campo recuperaba unha e outra vez os envíos materializados polo rival. Como nota positiva queda tamén o debut como branquiazuis dos rianxeiros Juan Ordóñez e Mauro Martínez, recén chegados ó Boiro Voleibol. A vindeira semana viaxe a San Sadurniño para medirse ao Club Aldebarán. Polo JEALSA xogaron Rubén M., Borja S., Christopher R., Darío O., Pablo D., Álex V. e Sergio C. (líbero). Como reserbas agardaban a súa oportunidade Mauro M., Manu T. e Juan O.

JEALSA BARRAÑA VOLEIBOL 0-3 MANUELA RIAL MOUZO

(25-10, 25-17, 25-12)-(1ª Div. Aut. Infantil Masculina)

O saque do Manuela Rial foi demasiado para o JEALSA

Derrota en tres sets para o noso equipo Infantil Masculino do Barraña ante un equipo cun poderío físico e unha experiencia moito maior. O servicio do Manuela Rial superaba a un JEALSA que contaba con 4 dos rapaces que o ano pasado se proclamaron subcampións galegos alevíns en Lugo (Pepe, Esteban, David e Víctor). O nerviosismo propio dun debut apoderouse dos nosos que en ningún momento foron capaces de mostrar o seu mellor xogo malia que a dinámica foi de menos a máis. A vindeira semana toca viaxe a terras ourensás para medirse ó Asesores Vila Castro, equipo que este sábado caía por 3-2 co noso outro equipo infantil. Ánimo rapaces, iremos a máis. Polo JEALSA formaban de inicio Alexis S., David F., Esteban P., Víctor S., Pepe G. e Eloy P. Como reservas agardando a súa oportunidade atopábanse Marcos S. e os alevíns Carlos V. e Martín Casais.

JEALSA BOIRO VOLEIBOL 3-2 ASESORES VILA CASTRO OURENSE

(25-11, 24-26, 25-22, 22-25, 15-8)-(1ª Div. Aut. Infantil Masculina)

Vitoria dos infantís ante o Burgas Volei

A estrea en competición oficial para os nosos infantís non puido ser mellor nun encontro apaixoante que se anotaron no desempate. Moitos son os que disputaban o seu primeiro encontro, feito que revaloriza as sensacións transmitidas.  O partido arrancaba cos boirenses máis atinados. O saque de Daniel Vázquez e os ataques do debutante Alan Davila poñían terra de por medio. No 2º os visitantes melloraron a raíz do seu servicio e chegaron a acadar unha renda que paulatinamente irían perdendo. A igualdade reinou nos dous seguintes parciais onde ambos equipos se mostraron máis erráticos froito do nerviosismo. Chegados ó tie-break os nosos foron máis consistentes, demostrando unhas dotes defensivas notables e pechando con autoridade o encontro. Polo JEALSA xogaron Daniel V., Alberto T., Jaime A., Alan D., Rodrigo M. e Carlos L. Tamén xogaron Manuel A., Jose G., Tomás R., Juan Q., Manuel L. e Jesús O.