O JEALSA, CAMPIÓN GALEGO INFANTIL MASCULINO 2013-14:

Almería agarda polos nosos infantís. ¡Parabéns!

O día 12 de abril de 2014 quedará gravado con letras de ouro nos anais do Club Voleibol Cabo de Cruz xa que tras máis de 22 anos de historia un equipo da nosa canteira conseguiría facerse cunha medalla de ouro nun Cpto. Galego. A xornada comezaba dun xeito inmellorable onde os de Adrián Alves se desfacían sen atrancos dun combativo Sta. Mª del Mar (3-0; 25-15, 25-14, 25-18). O nivel de saque sería chave para desequilibrar a balanza dun choque que servía para colocar ós branquiazuis na final do play-off. Na outra semifinal o 2º clasificado da fase regular, o Voleibol Dumbría, tamén facía os deberes eliminando ó Burgas Volei (3-0; 25-15, 25-18, 25-20) conseguindo facerse un hoco na final. Na pelexa pola presea de bronce os ourensáns soportaron mellor a presión nos finais de set e conseguiron anotarse o encontro en tres axustados sets (22-25, 23-25, 16-25) onde a súa consistencia dende a liña dos 9 metros sería vital. Boirenses e dumbrienses citábanse nunha final para a que A Cachada vestiría as súas mellores galas. Os numerosos siareiros que se congregaron nas bancadas verían como os nosos levantarían a copa de campións galegos despois de 3 sets (13-25, 19-25, 13-25) e conseguían deste xeito un billete para o Campionato de España que se celebrará en Almería entro o 21 e o 25 de maio. A por todas rapaces!

A CACHADA ALBERGARÁ ESTE SÁBADO A FASE FINAL INFANTIL MASCULINA:

Cartaz do torneo (Preme na imaxe para ver en grande)

O próximo 12 de abril A Cachada acollerá o play-off polo título da Liga Galega Infantil Masculina da que o noso equipo, o JEALSA, é campión na súa fase regular sen ceder nin un só set. Manuela Rial Mouzo de Cee (2º), Asesores Vila Castro-Burgas Volei de Ourense (3º) e o Sta. María del Mar coruñés pelexarán na xornada do sábado por ser o equipo que represente a Galicia no Campionato de España Infantil Masculino que se celebrará en Almería entre os días 21 e 25 de maio. A primeira semifinal será a que dispurtarán o Manuela Rial fronte o Burgas Volei (10:00h) e a segunda, que terá como protagonistas ós cativos da nosa canteira ante os nenos do colexio herculino de Sta. María del Mar, celebrarase ás 12:00h. Para a sesión vespertina gardamos os pratos fortes. A partires das 17:00h os equipos que non consigan gañar a súa semifinal pelexarán pola medalla de bronce. Ás 19:00h será o turno da gran final. Agardámosvos a todos. ¡Forza Boiro Voleibol!

O JEALSA MEDALLA DE BRONCE NO PLAY-OFF DA LIGA GALEGA XUVENIL:

Só 3 xogadores abandoarán a disciplina do JEALSA por idade

Agridoce final de campaña para o noso equipo xuvenil que tras moitos anos de ausencia volvía a unha fase final dun Cpto. Galego. A derrota chegaba na semifinal das 11:00 ante os anfitrións do EMEVE. Os da muralla contaban coa alta de dous xogadores integrantes da concentración permanente da selección española júnior (Víctor Conde e Mario Dovale). A gran pedra no camiño para os nosos foi a recepción e os numerosos saques errados, en especial nos dous primeiros sets. Tras unha reacción no 3º parcial onde parecía que o JEALSA podía levar o encontro ó tie-break os locais pecharon o encontro por 3-1. A final de consolación agardaba e os boirenses conseguiron doblegar ó Voleibol Dumbría (1-3) para alzarse coa medalla de bronce nesta fase final da LGXM. As bases dun proxecto que de seguro terá continuidade nas vindeiras campañas quedan cimentadas posto que a columna vertebral do JEALSA seguirá competindo en idade xuvenil. Traballo de calidade e humildade son os ingredentes para regresar a un play-off sendo máis competitivos. Ánimo.

O JEALSA VIAXA A LUGO Á FASE FINAL DO CPTO. GALEGO XUVENIL:

O JEALSA buscará un billete para o Cpto. de España

O 3º posto acadado polo noso equipo xuvenil masculino na fase regular da Liga Galege sírvelles para disputar o vindeiro domingo día 6 o play off polo entorchado desta competición. O rival nesta dura semifinal será o anfitrión, o EMEVÉ lucense. Os antecedentes non poden augurar un encontro máis igualado xa que na ida os da cidade da muralla doblegaban ós nosos nun intenso tie-break deixando para a volta a vitoria boirense por 3-0. Na outra semifinal o Club Vigo (1º) e o Voleibol Dumbría (4º) pelexarán tamén por ser un dos representantes da nosa comunidade no Cpto. de España que se celebra na cidade extremeña de Badajoz entre o 30 de abril e o 4 de maio. Ambos encontros se disputarán simultáneamente (11:00h) no Pavillón Municipal Casa do Deporte deixando para a tarde o 3º-4º posto (16:30h) e a gran final (18:00h). Aqueles siareiros que queiran acompañar á expedición boirense poderán facelo nun autocar que partirá desde a marquesina da Cachada a primeirísima hora do domingo (consultar hora con responsables)

TAN SÓ AS SENIOR CONSIGUEN VENCER NESTA XORNADA:

JEALSA BOIRO VOLEIBOL 3-0 ELLAEL VIGO VOLEY

(25-16, 25-12, 25-11)-(2ª Div. Autonómica Feminina)

JEALSA BOIRO VOLEIBOL 0-3 AD A PINGUELA

(15-25, 24-26, 22-25)-(Liga Galega Xuvenil Feminina)

JEALSA BOIRO VOLEIBOL 0-3 AD A PINGUELA

(16-25, 17-25, 13-25)-(Liga Galega Cadete Feminina)

JEALSA BOIRO VOLEIBOL 1-3 AD A PINGUELA

(25-22, 14-25, 14-25, 11-25)-(Liga Galega Infantil Feminina)

A 22ª XORNADA DAS LIGAS GALEGAS CHEGA Á CACHADA ESTE SÁBADO 29:

JEALSA BOIRO VOLEIBOL - AD A PINGUELA

(10:00h, A Cachada)-(Liga Galega Infantil Feminina)

JEALSA BOIRO VOLEIBOL - AD A PINGUELA

(10:00h, A Cachada)-(Liga Galega Xuvenil Feminina)

CV DUMBRÍA - BOIRO VOLEIBOL

(11:30h, Alonso Rodríguez)-(Deporte Escolar, Benxamín Mixto)

JEALSA BOIRO VOLEIBOL - AD A PINGUELA

(11:30h, A Cachada)-(Liga Galega Cadete Feminina)

BOIRO VOLEIBOL - ED AMES B

(13:0h, Alonso Rodríguez)-(Deporte Escolar, Benxamín Mixto)

JEALSA BOIRO VOLEIBOL - ELLAEL VIGO VOLEY

(16:00h, A Cachada)-(2ª Div. Autonómica Feminina)

SEPTETO IDEAL BOIRO VOLEIBOL DO 22 E 23 DE MARZO:

Maior representación feminina no septeto desta xornada

Máis repartido ca nunca e cunha participación elevada nas votacións regresa o equipo ideal da xornada formado con xogadores e xogadoras dos nosos equipos. Colocadora, Ángela Triñanes: completísimo encontro da crucense en labores de dirección no partido que as de Mario Iglesias gañaron en Pontevedra no tie-break. Oposta, Mariana Díaz: foi unha das solucións á hora da consecución dos puntos por parte do noso primeiro equipo feminino. Receptora 1, María Triñanes: a súa seguridade en recepción, defensa e ataque fai da pequena das irmás Triñanes unha das habituais do combinado ideal do Boiro VB. Receptor 2, Marcos Alvite: o amiense foi sen lugar a dúbidas un oasis ofensivo para o JEALSA no encontro co que os xuvenís pechaban a fase regular da competición autonómica. Central 1, Alejandra Mato: excelente aparición da central sénior no Multiusos da Xunqueira para colaborar coas súas accións preto da rede á 16ª vitoria ligueira para o JEALSA. Central 2, Félix Romero: evidente melloría confirmada por unha correcta actuación en saque, bloqueo e ataque a do xuvenil de primeiro ano ante o líder da LGXM (Club Vigo Voleibol). Líbero, Jorge Dieste: a predisposición defensiva é un valor imprescindible para ser un líbero competente, e Jorge en isto vai sobrado. Gran encontro para confirmar unha gran primeira temporada no mundo do voleibol.

BALANCE NEGATIVO NOS RESULTADOS DO 22 E 23 DE MARZO:

ALIANZA ESPAÑOLA SEGUROS S.A. CVP 3-1 JEALSA BOIRO VOLEIBOL

(25-21, 25-17, 25-27, 25-7)-(Liga Galega Infantil Feminina)

ALIANZA ESPAÑOLA SEGUROS S.A. CVP 3-2 JEALSA BOIRO VOLEIBOL

(25-12, 19-25, 25-27, 25-17, 15-5)-(Liga Galega Cadete Feminina)

JEALSA BOIRO VOLEIBOL 0-3 CLUB VIGO VOLEIBOL

(14-25, 18-25, 10-25)-(Liga Galega Xuvenil Masculina)

CV PONTEVEDRA 2-3 JEALSA BOIRO VOLEIBOL

(22-25, 25-17, 13-25, 25-20, 9-15)-(Liga Galega Xuvenil Feminina)

CALDARIA VOLEYOURENSE 3-0 JEALSA BOIRO VOLEIBOL

(25-11, 25-16, 25-8)-(Liga Galega Xuvenil Feminina)

REDESYL BOIRO VOLEIBOL 0-3 CLUB VIGO VOLEIBOL

(15-25, 19-25, 18-25)-(2ª Div. Autonómica Masculina)

CV PONTEVEDRA COMERCIAL DURÁN 3-0 REDESYL BOIRO VOLEIBOL

(25-13, 25-17, 25-13)-(2ª Div. Autonómica Masculina)

CALDARIA VOLEYOURENSE 1-3 JEALSA BOIRO VOLEIBOL

(16-25, 21-25, 26-24, 21-25)-(2ª Div. Autonómica Feminina)

CV PONTEVEDRA COMERCIAL DURÁN 2-3 JEALSA BOIRO VOLEIBOL

(16-25, 25-18, 21-25, 25-23, 5-15)-(2ª Div. Autonómica Feminina)

¡ESTÁ DE MODA!

ENCONTROS DAS LIGAS AUTONÓMICAS PARA O 22 E 23 DE MARZO:

SÁBADO 22:

ALIANZA ESPAÑOLA SEGUROS S.A. CVP - JEALSA BOIRO VOLEIBOL

(10:00h, Estadio da Xuventude)-(Liga Galega Cadete Feminina)

JEALSA BOIRO VOLEIBOL - CLUB VIGO VOLEIBOL

(10:00h, A Cachada)-(Liga Galega Xuvenil Masculina)

REDESYL BOIRO VOLEIBOL - CLUB VIGO VOLEIBOL B

(11:30h, A Cachada)-(2ª Div. Autonómica Masculina)

ALIANZA ESPAÑOLA SEGUROS S.A. CVP - JEALSA BOIRO VOLEIBOL

(12:00h, Estadio da Xuventude)-(Liga Galega Infantil Feminina)

CV PONTEVEDRA COMERCIAL DURÁN - REDESYL BOIRO VOLEIBOL

(16:00h, Multiusos da Xunqueira)-(2ª Div. Autonómica Masculina)

CV PONTEVEDRA - JEALSA BOIRO VOLEIBOL

(16:00h, Multiusos da Xunqueira)-(Liga Galega Xuvenil Feminina)

CV PONTEVEDRA COMERCIAL DURÁN - JEALSA BOIRO VOLEIBOL

(18:00h, Multiusos da Xunqueira)-(2ª Div. Autonómica Feminina)

DOMINGO 23:

CALDARIA VOLEYOURENSE - JEALSA BOIRO VOLEIBOL

(11:00h, IES Ferro Couselo)-(Liga Galega Xuvenil Feminina)

CALDARIA VOLEYOURENSE - JEALSA BOIRO VOLEIBOL

(12:30h, IES Ferro Couselo)-(2ª Div. Aut. Feminina)

2 XOGADORES DO NÁUTICO NO #7IDEALBOIROVOLEIBOL DESTA SEMANA:

#7idealBoiroVoleibol do 15-16 de marzo

A vitoria do noso primeiro equipo na Comunidade Valenciana foi sen lugar a dúbidas unha das grandes novas desta fin de semana xunto co triunfo dos xuvenís fronte ó EMEVÉ de Lugo. Por este motivo, o combinado ideal desta semana reúne dúas das caras do Náutico que a RFEVB destacan na 18ª xornada da Superliga 2. Colocador, Ismael Martínez: atinada labor de dirección a do colocador xuvenil da nosa canteira na importante vitoria que os xuvenís conseguiron ante o EMEVE. Oposto, Narciso Abalo: os 26 tantos conseguidos no Pablo Herrera castellonense convertiron ó xogador crucense no MVP da xornada da categoría de prata. Receptor 1, Cristóbal Álvarez: incluido tamén no 7 ideal da RFEVB o vigués presenta os seus 20 puntos e un extraordinario 71% de efectividade en recepción como credenciais. Receptor 2, Darío Outeiral: sobresaínte en recepción e defensa e inspirado en ataque. A actuación do infantil no encontro cadete demostra o estado de forma polo que está a pasar o JEALSA, campión da fase regular infantil e ás portas de clasificarse para o play-off na liga galega cadete. Central 1, Lía Villar: demoledora desde a liña de saque e letal preto da rede. Central 2, Christopher Rodríguez: completo encontro a pesar da derrota no tie-breal no Municipal de Teis. Destacado en segunda liña e seguro preto da rede. Líbero, Sheila Outeiral: nova demostración de facultades en defensa en recepción que lle sirven para entrar neste septeto da xornada.