luns, 13 de agosto de 2012

MARIO IGLESIAS, NOVO XOGADOR DO NÁUTICO BOIRO VOLEIBOL:

Mario Iglesias (de amarelo) reforza o posto de central do Náutico
O primeiro equipo masculino do Boiro Voleibol está rematando de perfilar o cadro de xogadores do seu plantel 2012-2013 co obxectivo de achegarse por terceiro ano consecutivo á coroa da categoría de bronce do voleibol español. De seguro que axudará á consecución desta meta, e moito, a última novidade dos homes que dirixe Emilio Palacio. Trátase do central rianxeiro de 1'93m. Mario Iglesias, que tras moitos anos de servizo ó CV Rianxo recala no Náutico para reforzar a posición de central despois da recente marcha de Pablo Suárez ó Intasa de San Sadurniño. Mario (25-1-1986) é un xogador experimentado na categoría a pesares da súa xuventude e destaca pola súa contundencia en labores de bloqueo e ataque, facetas nas que destacou moitos anos no club veciño. Congratulámonos de ter entre nós a unha persoa da que coñecemos o seu compromiso hacia unha entidade na que no último curso figurou de adestrador-xogador e que sabemos que encaixará á perfección no noso club. En nome da xunta directiva e de toda a familia do Boiro Voleibol, benvido Mario.

5 comentarios:

Adrián Alves dixo...

Non sei que prefiro, non telo en frente ou telo ó meu lado da rede... XD

Benvido grandullón!

FORZA BOIRO VB!!!

Narciso dixo...

Congratulámonos???? XDDDDD

Adrián Alves dixo...

Congratular: "Manifestar alegría y satisfacción a la persona a quien ha acaecido un suceso feliz" RAE

Tocapelotaaaaaas!

Jesus_pivot dixo...

Benvido Mario.

Gus dixo...

Confiamos en que te atopes coma na casa. BENVIDO!