Fin de semana da ponte de decembro

Moitos son os equipos do Boiro Voleibol aos que lles afecta o parón ligueiro nesta fin de semana festiva de comezos de decembro. Os equipos aproveitarán tal cese da competición para ultimar detalles de cara a vindeira xornada de liga o día 11 deste mes no que andamos.

Por outra banda, e a falta dalgunha confirmación, a actividade do club non se detén celebrándose encontros tan importantes coma un derby na liga galega xuvenil masculina:

LUNS, 6 DE DECEMBRO:

BOIRO VOLEIBOL-MEXILLÓN DE OURO VB. RIANXO

(11:00 h, "A Cachada")-(Liga galega xuvenil masculina)

BOIRO VOLEIBOL XUVENIL MASCULINO

Agárdase na mañá do vindeiro luns un emocionante e apaixoante derby entre dous equipos da mesma comarca en categoría xuvenil. Os de Andrés Martínez seguen coa súa preparación e afán de atoparse no seu camiño a desexada primeira vitoria na máxima categoría do voleibol autonómico. A presa non será sinxela xa que no equipo rianxeiro militan xogadores con máis anos de experiencia no mundo do voleibol. Medirán as forzas dous xogadores, que malia ser xuvenís, xa son pezas importantes para os primeiros equipos de ámbolos dous clubes: Antón Pérez por parte boirense e Héctor Matilla por parte rianxeira. 

MÉRCORES, 8 DE DECEMBRO:

BOIRO VOLEIBOL-BERTAMIRÁNS FC VOLEIBOL 

(11:00h, "A Cachada")-(Liga galega cadete masculina)

BOIRO VOLEIBOL CADETE MASCULINO

Partido aplazado desta liga galega autonómica na que os de Andrés Martínez buscarán o primeiro triunfo da tempada diante dos seus siareiros no polideportivo boirense de "A Cachada".

Chega a Boiro un rival na mesma situación que os locais xa que aínda non fixeron a súa estrea no casilleiro da competición regular neste tempada 2010-2011. O encontro promete emocións intensas e igualdade en tódalas súas facetas e agardamos que o desenlace sexa positivo. ¡Moita sorte!

BOLETÍN INFORMATIVO:

UN BOIRENSE NA SELECCIÓN GALEGA:

Prácenos informar en nome do clube a presencia dun xogador do Boiro Voleibol na vindeira concentración da selección galega cadete masculina, que se celebrará en Monforte de Lemos os vindeiros días 6 e 7 de decembro. Trátase do boirense Fran Dieste Otero (nº 8 na imaxe superior) que procede das escolas deportivas municipais impartidas por preparadores do club. O serio traballo dos adestradores coa base comeza a dar os seus froitos e non descartamos outras futuras convocatorias como a de Fran Dieste pola boa fornada de rapaces das que dispón o club. Noraboa Fran, a seguir traballando.

UNHA BAIXA DEFINITIVA E UNHA IMPORTANTE LESIÓN NO REDESYL BOIRO VOLEIBOL:
Marcos Figueira "Peiper" abandoa a disciplina do equipo filial masculino ás ordes de Antón Pérez, o Redesyl Boiro Voleibol que milita na 2ª división masculina do voleibol autonómico. Por outra banda, o receptor Xavier Sarille padece dun esguince de nocello no seu pé dereito polo que se podería perder algún encontro de trascendencia para os seus nas vindeiras semanas. ¡Moito ánimo Xavi!


NOVA INCORPORACIÓN PARA O PROBOIN BOIRO VOLEIBOL:
A xogadora crucense Leonor Lorenzo Abalo volve ás filas do primeiro equipo feminino dirixido por Andrés Martínez que lidera a competición autonómica da 2ª división. A xogadora, formada nas categorías inferiores do Clube Voleibol Cabo de Cruz vivirá a súa segunda etapa no Proboin polo que xa coñece o funcionamento e os automatismos do equipo.

O CARTEL COS COMERCIOS COLABORADORES XA ESTÁ AQUÍ:

Recén chegada ó clube está a cartelería que anunciará os encontros dos nosos equipos e  na que participan un bo puñado de comercios e empresas boirenses. Infinitos agradecementos para eles en nome de todos nós por colaborar no proxecto do Club Voleibol Cabo de Cruz.