martes, 19 de maio de 2015

O JEALSA REMATA 3º NA FASE FINAL DA LGCM DISPUTADA EN LUGO:

Foto de cvemeve.com
Tras rematar a fase regular na primeira posición pódese dicir que o combinado que dirixe Adrián Alves non cumpleu a pasada fin de semana coas expectativas despositadas neste noso equipo cadete. Dúas derrotas e unha vitoria, ese é o bagaxe que nos deixa o play-off polo título na LGCM que converteu ós amigos do Voleibol Dumbría nos novos campións galegos. O debut para os boirenses marcou os acontecementos de toda a competición. A derrota por 3-0 ante As Mariñas Oleiros complicaba, e moito, as opcións dos boirenses nun torneo que se lles poñía costa arriba. Un tanto adurmiñados, e totalmente desatinados no que probablemente foi o peor partido de toda a tempada colocaba trala primeira xornada ós oleirenses de Eloy Mahía compartindo liderato cun Voleibol Dumbría que se desfaría do EMEVE tamén por 3-0. Ó día seguinte agardaba un óso duro de roer, o Voleibol Dumbría. Coñecedores da trascendencia do encontro os boirenses melloraron e conseguiron derrotar ós futuros campións por 3-1. Polo mesmo resultado derrotaba As Mariñas ós anfitrións do EMEVÉ, deixando todo por resolver para a última xornada. No primeiro encontro o Voleibol Dumbría non tremía para proclamarse campión cun 3-0 sobre As Mariñas Oleiros. O JEALSA precisaba unha vitoria por 3-0 ante o EMEVÉ para saír subcampión pero a presión por ter que acadar o resultado e un EMEVÉ moi peleón remataría no segundo set coas opcións dos nosos que acabaría cedendo o encontro por 3-2. Consulta tódolos resultados do play-off neste enlace.

Ningún comentario: