COMERCIAL DURÁN 3-2 BOIRO VOLEIBOL

(19-25,25-15,17-25,25-21.15-13)

Entre as mellores de Galicia

Partido longo, emocionante e moi disputado (2h. e 5 min. de partido) no que os dous equipos eran conscientes do que se xogaban e había moitisimos nervios nos dous bandos, e ningún dos dous quería dar o brazo a torcer. Comezaron o primeiro set as nosa un tanto nerviosas comentendo moitas imprecisións en ataque, o que ocasionou que as pontevedresas colleran vantaxe no primeiro tramo do set, que se vería neutralizada na metade do mesmo gracias ós numerosos erros en saque das locais e unha mellora de actitude das boirenses minimizando os fallos en ataque do principio. No segundo set comezaron as boirenses un tanto relaxadas, que fixo que as pontevedresas colleran unha renta no mesmo de principio a fin, levando sen problemas por un claro 25-15. No terceiro set cambiaron as tornas e as boirenses comezaron mais concentradas de man de unha inspiradísima Evelyn que levou o peso do ataque boirense con numerosos acertos, e tamén a unha gran racha de saques de Patri. Estas circunstancias propiciaron que se abrira unha ampla distancia no marcador de comezo a fin. O cuarto set, foi un set moi igualado no que as boirenses querían saír a sentenciar e as pontevedresas non querían ceder, o que fixo que se vira desde o comezo numerosas alternativas no marcador con diferencias mínimas ata o tramo final do mesmo no que o acerto en saque unido a unha dose de sorte, fixo que se anotaran o set por 25 - 21. O tie-break, non apto para cardíacos , disputouse con numerosísimas imprecisións por parte dos dous equipos ocasionado pola lóxica presión que sentían as xogadoras ante a importancia do mesmo, cambiouse de campo con un 8-6 favorable ás pontevedresas. Despois do cambio reaccionaron as boirenses e  situaronse nun 8-12 que semellaba casi definitivo, pero as rapazas do Comercia Durán reaccionaron e déronlle a volta a situación 15-13. Vitoria pola mínima das Pontevedresas nun tanteo final de 101-99 que lles foi insuficiente para remontar unha renda de 4 puntos do partido de ida no que as boirenses conseguiron un 107- 103 gañando a eliminatoria as nosas por tan so 2 puntos de diferencia. Conseguiron así o ascenso á Liga Galega Xuvenil Feminina. Un premio tan merecido coma sufrido das nosas rapazas que empezaron a tempada con un nivel moi baixiño pero que traballaron arreo e gracias a ese traballo para a próxima tempada xogarán na liga na que están os mellores equipos de Galicia. Noraboa.

Crónica de Juan Resúa